ЭРЧИСТ ГҮРЭН” ХХК-ИЙН КАРГО, ТЭЭВРИЙН ҮЙЛЧИЛГЭЭНИЙ ЖУРАМ
1. ЕРӨНХИЙ НӨХЦӨЛ
Эрчист гүрэн ХХК-ийн EG cargo үйлчилгээ
1.1. Энэхүү журмаар “ЭРЧИСТ ГҮРЭН” ХХК-ИЙН "Карго үйлчилгээ" (цаашид “КАРГО” гэнэ) түүнтэй холбоотой үүсэх бүх төрлийн харилцааг зохицуулна.
1.2. Карго нь БНХАУ-ын Эрээн хот дах өөрийн хаягт илгээгдсэн бараа бүтээгдэхүүн, илгээмжийг (цаашид “АЧАА” гэнэ) хүлээн авч Эрээн-Улаанбаатар хооронд ачаа тээврийн үйлчилгээ үзүүлнэ.
1.3. Захиалагч буюу тээвэрлүүлэгч (цаашид ҮЙЛЧЛҮҮЛЭГЧ гэнэ) үйлчилгээ авахаасаа өмнө энэхүү журамтай сайтар танилцах ба журамд тусгагдсан нөхцөлүүдийг бүрэн хүлээн зөвшөөрсөн тохиолдолд үйлчилгээ авах эрх нээгдэнэ.
1.4. Энэхүү журмын хэрэгжилтэнд КАРГО болон үйлчлүүлэгч хамтран хяналт тавина.
1.5. Тээвэрлэгч өөрийн нэрийн өмнөөс захиалагчийн зардлаар ачаа, илгээмжийг тээвэрлэхтэй холбоотой үйлдэл хийж, захиалагч гэрээнд заасан хөлсийг төлөх үүргийг тус тус хүлээнэ.
2. ТЭЭВЭРЛЭГЧИЙН ЭРХ, ҮҮРЭГ
2.1. Тээвэрлэгч өөрийн нэрийн өмнөөс үйлчлүүлэгчийн зардлаар ачаа, илгээмжийг тээвэрлэхтэй холбоотой үйлдэл хийнэ.
2.2. Тээвэрлэгч нь Эрээн хот - Улаанбаатар хот хоорондын тээвэр хийнэ.
2.3. Улаанбаатар хот дахь хүргэлт, орон нутгийн унаанд тавьж өгнө. Хүргэлтийн нэмэлт зардлыг Үйлчлүүлэгч өөрөө төлнө.
2.4. Ачаа барааны эвдрэл гэмтлийг шалгаж авах үүрэгтэй. Эвдрэл гэмтэлтэй тохиолдолд бараа захиалагчид мэдэгдэж, тухайн дэлгүүр лүү буцаана.
2.5. Эрээн хот - Улаанбаатар хот болон Үйлчлүүлэгчийн гарт хүртэл, орон нутгийн унаанд тавих хүртэлх барааны эвдрэл гэмтэл, бараа алга болох асуудлыг тээвэрлэгч хариуцна.
2.6. Тээвэрлэгч 14 хоногийн хугацаанд барааг Үйлчлүүлэгчид хүлээлгэж өгнө.
2.7. Тээвэрлэгч нь ачаа захиалгын явц, байршил бүрийг Үйлчлүүлэгчид аппликейшнээр мэдэгдэнэ.
3. ҮЙЛЧЛҮҮЛЭГЧИЙН ЭРХ, ҮҮРЭГ
3.1. Үйлчлүүлэгч захиалсан ачаа барааны баримтыг тээвэрлэгчид өгөх үүрэгтэй.
3.2. Үйлчлүүлэгч аппликейшнд бүртгүүлэхдээ өөрийн утасны дугаар, оршин суугаа хаяг, иргэний үнэмлэхний хаяг, ажлын хаягаар бүртгэл хийлгэнэ.
3.3. Үйлчлүүлэгч өөрийн барааны бүрэн бүтэн байдлыг шалгаж, гарын үсэг зурж бараагаа хүлээн авах үүрэгтэй. Барааг үйлчлүүлэгч хүлээн авснаас хойш гарсан эвдрэл гэмтэл болон бусад асуудлуудад тээвэрлэгч тал хариуцлага хүлээхгүй.
3.4. Үйлчлүүлэгчийн ачаа бараа манай Эрээн хот дарь хаягаар ирээгүй өөр хотод гацсан, эсвэл дэлгүүр нь дутуу илгээсэн, огт илгээгээгүй, буруу бараа ирсэн тохиолдолд үйлчлүүлэгч өөрөө хариуцна.
3.5. Төлбөрөө заасан хугацаанд төлөх үүрэгтэй
4. ТӨЛБӨРИЙН НӨХЦӨЛ
4.1. Үйлчлүүлэгч манай Эрээн хот дахь хаяг руу ачаа илгээх боломжтой ба Эрээн хот хүртэлх ачааны тээврийн зардлыг үйлчлүүлэгч хариуцан төлнө.
4.2. Тээвэрлэгч Эрээн хот дах өөрийн хаягаар ирсэн ачааг хүлээж аваад Улаанбаатар хот руу илгээнэ. Хэрвээ ачаа Хятад улс дотроо тээврийн зардалтай буюу хаягаар хүлээж авах үед тээврийн төлбөр төлөх шаардлагатай бол үйлчлүүлэгч урьдчилан бидэнд анхааруулж мэдэгдэх ёстой ба бид ачааг хүлээж авахдаа хятад дахь тээврийин төлбөрийг төлөх боломжтой. Энэ тохиолдолд Үйлчлүүлэгчид мэдэгдэж, үйлчлүүлэгч дээр нэмж төлбөр бодогдоно.
4.3. Эрээн хот дахь Эрчист гүрэн каргоны агуулахад тухайн барааг скайнердана. Барааны үнэлгээ гарснаас хойш буюу нэхэмжлэл үүссэнээс хойш 24 цагийн дотор төлбөрийг төлнө.
4.4. Эрээн хот - Улаанбаатар хот тээвэрэлэтийн үнэ төлөх ба нэмэлтээр Үйлчлүүлэгчийн гарт хүртэл, орон нутгийн унаанд тавих хүргэлтийн төлбөрийг төлнө.
4.5. Төлбөр хийгдсэний дараа барааг ачилтад оруулна.
4.6. ‘EG CARGO” аппликейшны хэрэглэгч болсон тохиолдолд нийт үнийн дүнгийн 0,5%-ийг бонус болгож өгнө. Уг бонус нь хэрэглэгчийн ID-д орно. 24 цагийн дотор төлбөрff төлөхгүй бол бонус орохгүй.
4.7. Төлбөрийг Qpay ээр төлж болно.
4.8. Эрээн хотоос Улаанбаатар хот хүртэл тээврийн зардал хэдэн хэсэг бараа ирснээс хамаарч тус тусдаа тооцогдоно. Овор хэмжээ ихтэй, түүнчлэн савлагаа томтой боловч хөнгөн ачааны тээврийг "овроор буюу метр куб-р" тооцно.
4.9. Хэрэв үйлчлүүлэгч манай хаяг руу хил гаалиар хориотой ачаа илгээсэн тохиолдолд гарах бүх хохирол хариуцлагыг үйлчлүүлэгч өөрөө хүлээнэ. /Хориотой ачаа барааг хавсралтад тусгав/.
5. ХҮРГЭЛТ
5.1. Карго үйлчлүүлэгчийн хүсэлд нийцүүлэн нийслэл хот, хөдөө орон нутагруу ачааг хүргэх үйлчилгээ үзүүлнэ.
5.2. Хүргэлтийн үйлчилгээ авах эсэхийг хэрэглэгч захиалга Уб-т ирсэний дараа мэдэгдэх бөгөөд хүргүүлэх газрын байрлал болон ачааны овор хэмжээнээс шалтгаалан хүргэлтийн үнэ тогтоогдож, тээврийн зардал дээр нэмж тооцогдоно.
5.3. Улаанбаатар хотод хүргэлтийн үйлчилгээг бүсчилсэн үнийн тарифаар гүйцэтгэнэ.
5.4. Орон нутгийн хүргэлтийг хот хоорондын тээврийн үйлчилгээний байгууллагуудтай хамтран гүйцэтгэнэ.
6. БАРАА ОЛГОЛТ БОЛОН ХАДГАЛАЛТ
6.1. Үйлчлүүлэгч бараа олголтоос ачаагаа авахдаа өөрт холбогдох бичиг баримт болон холбогдох утасны дугаар нэрээ хэлж үйлчилгээ авна.
6.2. Бараа хүлээн авахдаа тухайн ачаан дээрх бүртгэлтэй утасны дугаар дээрх болон ачааны трак дугаарууд бүхий багцалсан ачааг салгаж олгохгүй.
6.3. Бараа олгох хэсэгт тухайн үйлчлүүлэгчийн тээшийг 5 хүртэлх хоногийн хугацаатай үнэ төлбөргүй түр байршуулна. Гар тээшээ 30 хоногийн дотор авахгүй тохиолдолд ачааны трак дугааруудаар холбогдох мэдээллийн Фэйсбүүк хуудасны пост хэсэгт дахин мэдээлэл хүргэх ба тухайн хугацаанд бодогдох хадгалалтын хөлсийг нэмж төлнө.
6.4. Бараа хадгалах хугацаа хэтэрсэн тохиолдлоос хойш 6 дахь хоногоос эхлэн тухайн тээшинд төлөх үнийн дүнгийн 10%, 7 дох хоногоос хойш 20%, 2 дахь 7 хоногт 30%, 3 дахь 7 хоногоос 40% зэрэг дарааллаар хадгалалтын зардал бодогдох ба тухайн хадгалалтын зардлыг маргаангүйгээр төлж барагдуулна.
6.5. Тухайн үйлчлүүлэгч өөрийн нэр болон утасны дугаар болон ачааны трак дугаар бүхий тээшийг 3 сар ба түүнээс дээш хугацаанд агуулахаас аваагүй тохиолдолд Иргэний хууль болон бусад хууль тогтоомжийн дагуу комисс томилон худалдан борлуулж хадгалалтын хөлсийг нөхөн төлүүлнэ.
7. НУУЦЛАЛЫН НӨХЦӨЛ
7.1. Хэрэглэгчийн аливаа мэдээлэл нь хувь хүний нууцад хамаарах ба нууцлалын байдлыг манай тал бүрэн хариуцна.
7.2. Энэхүү нууцлалын бодлогоор таны мэдээлллийг бусдад задруулахгүй байх үүргийг бид хүлээнэ. Иймд та манайхаар үйлчлүүлэхийн өмнө Нууцлалын бодлого болон Үйлчилгээний ерөнхий нөхцөлтэй сайтар танилцсан байх шаардлагатай.
8. МАРГААН ШИЙДВЭРЛЭХ
8.1. Үйлчлүүлэгчийн захиалсан бараа нь КАРГО-той хамааралгүй БНХАУ-ын дэлгүүр, нийлүүлэгчийн бараа бүтээгдэхүүн тул тэдгээрийн чанар бусад үзүүлэлтүүдэд КАРГО хариуцлага хүлээхгүй.
8.2. Тээвэрлэгч, үйлчлүүлэгчийн хооронд аливаа маргаан үүсэх тохиолдолд энэхүү журмаар шийдвэрлэх бөгөөд энэхүү журамд тусгагдаагүзй асуудлыг Иргэний хуулиар зохицуулна.
Хавсралт 1. УЛС ХООРОНДЫН ШУУДАНГААР ИЛГЭЭХИЙГ ХОРИГЛОСОН ЭД ЗҮЙЛСИЙН ЖАГСААЛТ
1. Түргэн муудах хүнсний бүтээгдэхүүн, гэмтэх онцгой нөхцөл шаардсан бараа
2. Тусгай зөвшөөрөлгүй хуулийн этгээд, иргэн эм, эмнэлгийн хэрэгсэл, биологийн идэвхт бүтээгдэхүүнийг импортлохыг хориглоно.
3. Хар тамхи, мансууруулах буюу хордуулах бодис
4. Галт зэвсэг, байлдааны галт хэрэгсэл, тэсэрч дэлбэрэх болон цацраг идэвхт бодис, түргэн шатамхай бодис
5. Бүх төрлийн татдаг, зажилдаг, дүнсэн, навчин тамхи
6. Хатуу хурц иртэй зүйл, хутга мэсний зүйлийг агуулсан бичиг захидал боодол
7. Үндэсний гадаад валют, үнэт цаас, зоос, мөнгөн тэмдэгт, аливаа төлбөрийн хэрэгслийн нууцлал
8. Садар самууныг сурталчилсан хэвлэл, ном, зохиол, зураг, кино
9. Олон улсны болон Монгол улсын “улаан ном”-д орсон, Монгол улсын хууль
тогтоомжоор агнах, бэлтгэхийг хориглосон ан, амьтны гаралтай олдвор, түүхий эдийн зүйл, барагшин
10. Мал эмнэлгийн шинжилгээний болон холбогдох байгууллагын зөвшөөрөлгүй мал амьтан, шувууны гаралтай түүхий эд, үр хөврөл, бичил биетний өсгөвөр
11. Бүх төрлийн мал, гахай, тахиа /өндөг/ бусад амьтны хөлдөөсөн буюу хатаасан мах /борц/
12. Татвараас зайлсхийх болон хуурамч бараа бүтээгдэхүүн үйлдвэрлэх зорилго бүхий их хэмжээний шошго
13. Хортон ургамал, амьтан
14. Амьд амьтад
15. Цөмийн зэвсгийн гаралтай химийн бодис, тусгай ангиллын цацраг идэвхт бодис, тусгай ангиллын цацраг идэвхт бодис, түүхий эд анги, бүрэлдэхүүн тэсэрч дэлбэрэх, амархан гал авалцах, радио идэвхт болон бусад аюул учруулж болох бусад хэрэгсэл /хүчил, шүлт, изотол, мөнгөн ус, цууны хүчил/
16. Бусад хууль эрх зүйн зохицуулалтаар хориглосон бараа
Эх сурвалж:
• Дэлхийн шуудангийн конвенц /15-р зүйл Хориглосон зүйлс/,
• Шуудангийн тухай хууль /24-р зүйл шуудангийн үйл ажиллагаанд хориглох зүйлс/. Эм эмнэлгийн тухай хууль